დღეს ლონდონში გაიხსნება საქართველოსა და დიდი ბრიტანეთის და ჩრდილოეთ ირლანდიის გაერთიანებულ სამეფოს შორის ყოველწლიური ორმხრივი დიალოგის პირველი, საინაუგურაციო სხდომა.
მასში მონაწილეობას მიიღებენ საქართველოსა და გაერთიანებული სამეფოს უწყებათაშორისი ჯგუფები. საქართველოს დელეგაციას უხელმძღვანელებს საგარეო საქმეთა მინისტრი თამარ ბერუჩაშვილი. გაერთიანებული სამეფოს მხრიდან კი ევროპულ საქმეთა მინისტრი დევიდ ლიდინგტონი. საინაუგურაციო სხდომის ფარგლებში გაიმართება პლენარული სესია, შემდგომ კი თემატური სამუშაო ჯგუფის შეხვედრები საქართველოსა და გაერთიანებული სამეფოს უწყებათაშორისი დელეგაციების მონაწილეობით.
ყოველწლიურ ორმხრივ დიალოგს საფუძველი ჩაეყარა 2014 წლის 7-8 მაისს, დიდი ბრიტანეთისა და ჩრდილოეთ ირლანდიის გაერთიანებული სამეფოს საგარეო და თანამეგობრობის საქმეთა მაშინდელი სახელმწიფო მდივნის, უილიამ ჰეიგის თბილისში ოფიციალური ვიზიტის ფარგლებში. დიალოგი მიზნად ისახავს ქართულ-ბრიტანული თანამშრომლობის საკითხთა ფართო სპექტრის განხილვას. დიალოგის ფარგლებში შეხვედრები მხარეებს შორის წელიწადში ერთხელ ჩატარდება.
გაერთიანებულ სამეფოში სამუშაო ვიზიტის ფარგლებში საგარეო საქმეთა მინისტრი თამარ ბერუჩაშვილი ორმხრივ შეხვედრებს გამართვას. დაესწრება ლონდონში საქართველოს საელჩოს სახელით, ყოველწლიური ორმხრივი დიალოგის საინაუგურაციო სხდომასთან დაკავშირებით გამართულ მიღებას.
მასალის გამოყენების პირობები
