ნდობის ჯგუფის დღევანდელ სხდომას აუდიტის სამსახურის ხელმძღვანელი ლაშა თორდია და ის აუდიტორებიც დაესწრებიან, რომლებიც უშუალოდ ამოწმებდნენ თავდაცვის სამინისტროსა და სხვა ობიექტებს. როგორც თორდიამ ჟურნალისტებს განუცხადა, ჯგუფის მუშაობაში მონაწილეობის შესახებ წერილობითი მიწვევა მიიღო.
'ჩვენ ვამოწმბთ თავდაცვის სამინისტროს საქმიანობას 2011, 2012 და 2013 წლების პერიოდში. შესაბამისად, ნდობის ჯგუფის მოთხოვნით, ჩვენ ეს მასალები პარასკევს გადავუგზავნეთ მათ. სხდომაზე განიხილება საკითხები, რომლებიც სწორედ შეეხება თავდაცვის სამინისტროს ფინანსების მართვისა და შესყიდვების დეპარტამენტს", - განაცხადა თორდიამ.
ნდობის ჯგუფის სხდომა დღეს, 19 ნოემბერს გაიმართება, სადაც სახელწიფო სამსახურების საქმიანობის შესახებ აუდიტის სამსახურის მიერ მიწოდებული დოკუმენტაციას შეისწავლიან.
ნდობის ჯგუფი თავდაცვის სამინისტროს, შინაგან საქმეთა სამინისტროსა და სახელმიწო დაცვის სპეციალრი სამსახურის საქმიანობის ფინანსურ ანგარიშებს განიხილავს, რომელიც აუდიტის სამსახურმა მოამზადა.
