საქართველოს საგარეო საქმეთა სამინისტრო მკაცრად გმობს 2014 წლის 18 ნოემბერს ქალაქ იერუსალიმის ერთ-ერთ სინაგოგაში განხორციელებულ ტერორისტულ აქტს, რომელსაც უდანაშაულო ადამიანების სიცოცხლე ემსხვერპლა.
,,საქართველოს საგარეო საქმეთა სამინისტრო უსამძიმრებს დაღუპულთა ოჯახებს და მთლიანად ისრაელის ხალხს. ამგვარი სასტიკი და არაჰუმანური ქმედებები უდანაშაულო ადამიანების წინააღმდეგ წარმოადგენს უმძიმეს დანაშაულს, რომელიც მკაცრად უნდა იქნას დაგმობილი საერთაშორისო საზოგადოების მიერ", _ნათქვამია საგარეო უწყების განცხადებაში.
