17 ნოემბერს, საქართველოს ფინანსთა სამინისტროს მომსახურების სააგენტოსა და საქართველოს ბანკს შორის ურთიერთანამშრომლობის მემორანდუმი გაფორმდა.
მემორანდუმის თანახმად, www.eauction.ge-ზე მომხმარებლებს საშუალება მიეცემათ ისარგებლონ საქართველოს ბანკის ელექტრონული გადახდებით და განახორციელონ სხვადასხვა ტიპის ფინანსური ოპერაციები.
მემორანდუმს ხელი მოაწერეს ფინანსთა სამინისტროს მომსახურების სააგენტოს გენერალური დირექტორის პირველმა მოადგილემ გიორგი ხანიშვილმა და საქართველოს ბანკის გენერალური დირექტორის მოადგილემ ნიკოლოზ გამყრელიძემ.
ფინანსთა სამინისტროს მომსახურების სააგენტო ელექტრონული ანგარიშსწორების დანერგვისა და განვითარების მიზნით, მომხმარებელს მუდმივად თანამედროვე და სწრაფი ანგარიშსწორების საშუალებებს სთავაზობს.
