გაეროს უშიშროების საბჭოს საგანგებო სხდომაზე, რომელიც სპეციალურად უკრაინაში შექმნილ ვითარებას მიეძღვნა, უკრაინის აღმოსავლეთით პრორუსი სეპარატისტების მიერ მიტაცებულ ტერიტორიებზე ფართომასშტაბიანი საბრძოლო მოქმედებების შესაძლო განახლებაზე ისაუბრეს.
გაეროს გენერალური მდივნის თანაშემწემ პოლიტიკურ საკითხებში, იენს ანდერს ტოიბერგ-ფრანძენმა თავის მოხსენებაში იმ შეტყობინებებზე ისაუბრა, რომლებიც ხსენებულ რეგიონებში სამხედრო შეიარაღების გაძლიერებისა და დიდი რაოდენობით მძიმე ტექნიკის შეყვანის შესახებ არის მიღებული და აღნიშნა, რომ ერთ-ერთი იმ ფაქტორთაგან, რაც მშვიდობის დამყარებას უშლის ხელს, დღესთვის რუსეთ-უკრაინის საზღვრის უკონტროლობაა.
საგანგებო სხდომაზე ეუთოს წარმომადგენელმა ჰაიდი ტალიავინმა ყურადღება სეპარატისტების მიერ უკრაინაში გამართულ უკანონო ,,არჩევნებსა" და მინსკის მოლაპარაკების სხვა რიგ დარღვევებზე გაამახვილა.
გაეროს უსაფრთხოების საბჭოს საგანგებო სხდომაზე განსაკუთრებით მწვავე იყო აშშ-ს წარმომადგენლის სამატა პაუერის გამოსვლა. მისი განაცხადებით, უკრაინის კონფლიქტის მოუგვარებლობის უცვლელი და ძირითადი მიზეზი რუსეთია, რომელიც სუვერენული სახელმწიფოს ტერიტორიული მთლიანობის საქმეში უხეშად ერევა.
,,რუსეთი ლაპარაკობს მშვიდობაზე, მაგრამ აგრძელებს ომის გაღვივებას." - აღნიშნა მან იმ მტკიცებულებებზე დაყრდნობით, რაც დონბასში რუსული არმიის დილოკაციის შესახებ აშშ-ს გაჩნია.
საგანგებო სხდომაზე არავითარი რეზოლუცია არ მიუღიათ.
შეგახენებთ, რომ გაეროს უშიშროების საბჭოს საგანგებო სხდომა ოთხშაბათს, ამერიკის შეერთებული შტატების თხოვნით, მას შემედეგ მოიწვიეს, როცა უკრაინის აღმოსავლეთით რუსული სამხედრო ტეკნიკისა და რუსული არმიის ქვედანაყოფების გადაყვანის შესახებ ცნობები გავრცელდა.
ევროპაში ნატოს ძალების მეთაურმა ფილიპ ბრიდლავმა დაადასტურა, რომ ბოლო ორი დღის განმავლობაში უკრაინის აღმოსავლეთ ნაწილში რუსეთის სამხედრო და მძიმე ტექნიკის, ასევე შეიარაღებული ძალების ქვედანაყოთა დიდი კოლონა შევიდა.
