5 დეკემბერს, ბათუმში სასტუმრო "შერატონში", საქართველოს ეკონომიკისა და მდგრადი განვითარების სამინისტროს, საქართველოს სავაჭრო სამრეწველო პალატისა და საქართველოს საინვესტიციო სააგენტოს ორგანიზებით სამმხრივი საქართველო-თურქეთი-აზერბაიჯანის ბიზნესფორუმი გაიმართება.
ბიზნესმენებს აღნიშნულ ფორუმზე საშუალება ექნებათ მოისმინონ სამივე ქვეყნის საინვესტიციო გარემოს შესახებ ინფორმაცია და გამართონ ორმხრივი (B2B) შეხვედრები მათთვის საინტერესო კომპანიებთან. ფორუმზე მაღალ დონეზე წარმოდგენილნი იქნებიან სამივე ქვეყნის სახელმწიფო სტრუქტურები ეკონომიკის მინისტრების სახით, რაც დამატებით საშუალებას მისცემს კერძო სექტორის წარმომადგენლებს პირდაპირი კომუნიკაცია დაამყარონ მათთან. ფორუმის ბოლოს გაიმართება მიღება.
