საქართველოს ტურიზმის ეროვნულმა ადმინისტრაციამ 2014 წლის სამოქმედო გეგმის თანახმად, საერთაშორისო ტურისტულ გამოფენაში - "World Travel Market 2014" მონაწილეობა მიიღო
საქართველოს სტენდზე წარმოდგენილნი იყვნენ შემდეგი კომპანიები: Adjara Group Hospitality; Caucasus Travel; Colour Tour Georgia; Exotour; Explore Georgia Ltd.; GeorgiCa Travel; Tourist Agency Visit Georgia Ltd. და UGO Travel Ltd.
35-ე საერთაშორისო გამოფენას საშუალოდ 82,213 ადამიანი დაესწრო, 8544-ზე მეტი საერთაშორისო მიწვეული შემსყიდველი და 50000-მდე ტურიზმის ინდუსტრიის პროფესიონალი კომპანიებიდან.
სსიპ საქართველოს ტურიზმის ეროვნული ადმინისტრაციის გამოფენაში მონაწილეობის მიზანს საქართველოს როგორც ტურისტული მიმართულების პოპულარიზაცია და რეკლამირება, საქმიანი კონტაქტების დამყარება და საქართველოში მოღვაწე ტურიზმის ინდუსტრიის კერძო სექტორის ხელშეწყობა წარმოადგენდა.
გამოფენის პარალელურად შეხვედრები გაიმართა სხვადასხვა ქვეყნის მარკეტინგულ კომპანიებთან და მედიის წარმომადგენლებთან: "Pearl Marketing UK", „Responsible Travel", "Travel GSA", "BALTUS Communications", "TTG Media", "The Telegraph", "Access Destinations/Russia", "Euro Sport", "Rough Guides", "Travel and Tour World", "Channel Jet Set", "AVIAREPS", "Digital Dialogue", "Travel.ru", "MATKA", "Aerovista", "Around The World Ltd.", "EKN Capital", "Global Media", "CNN", "Epic TV", "Pocket Guide", "Lithuanian Exhibition and Congress", "Master Advertising", "BBC World", "Euronews", "Travel.ru" და სხვა.
შეხვედრების შედეგად მოხდა პრეს და გაცნობითი ტურების დაგეგმვა, ბრიტანეთის და ასევე ევროპის ბაზარზე სამომავლო მარკეტინგული აქტივობების განხილვა.
მოლაპარაკებები და შეხვედრები არსებულ და პოტენციურ პარტნიორებთა საქართველოს კერძო სექტორის წარმომადგენლემაც გამართეს.
გამოფენის მსვლელობისას საქართველოს სტენდზე საპრომოციო მასალები გაავრცელეს, დამონტაჟებულ ეკრანზე კი მუდმივად მიმდინარეობდა საქართველოს სარეკლამო ვიდეო რგოლის ტრანსლაცია.
გარდა ამისა, ტურიზმის ეროვნული ადმინისტრაციის თანამშრომლები მიწვეულები იყვნენ CNN International-ის ყოვეწლიურ კორპორატიულ ვახშამსა და BBC-ის ლანჩზე, რომელებზეც განიხილებოდა ამ კომპანიებთან სამომავლო თანამშრომლობის საკითხები.
EURONEWS-ისათვის მიცემული ინტერვიუს ფარგლებში ბრენდის განვითარების სპეცლიალისტმა თეონა ჩაჩუამ ისაუბრა საქართველოს ტურისტულ პოტენციალზე და ქვეყნის პოპულარიზაციის სამომავლო გეგმებზე. ინტერვიუ სტატიასთან ერთად განთავსდა EURONEWS -ის ოფიციალურ ვებ-გვერდზე.
საერთაშორისო ტურისტულ გამოფენაში "World Travel Market 2014" ადმინისტრაციის მონაწილეობა ხელს შეუწყობს საქართველოს როგორც ტურისტული მიმართულების ცნობადობის ამაღლებას და პოპულარიზაციას დიდ ბრიტანეთსა და მსოფლიოს სხვა ქვეყნებში.
