"ქართული ოცნების" ცენტრალურ ოფისში პრემიერ- მინისტრ ირაკლი ღარიბაშვილისა და უმრავლესობის შეხვედრის დასრულების შემდეგ უმრავლესობის წევრები აცხადებენ, რომ ძირითადი განსახილველი საკითხი 2015 წლის სახლმწიფო ბიუჯეტის პროექტი იყო.
მათი თქმით, ფინანსთა მინისტრმა ნოდარ ხადურმა უმრავლესობის წევრებს მომავალი წლის სახლმწიფო ბიუჯეტის პროექტის პარამეტრები და პრიორიტეტული მიმართულებები გააცნო.
უმრავლსობის ნაწილი ბიუჯეტის პროექტის იმ ნაწილს არ იზიარებს, რომლის მიხედვით, მომავალ წელის პენსია, მხოლოდ გარკვეულ სოციალურ ჯგუფს გაეზრდება.
2015 წლის სახლმწიფო ბიუჯეტის პროექტს საკანონმდებო ორგანოში პარასკევს განიხილავენ, პროექტის საბოლოო ვარიანტს კი პარლამენტი დეკემბრის ბოლოს დაამტკიცებს.
