საქართველოსა და ევროკავშირს შორის თანამშრომლობის საკითხებზე ისაუბრეს ფინანსთა მინიტრს ნოდარ ხადურსა და ევროკავშირის ახალდანიშნულ ელჩს იანოშ ჰერმანს შორის დღეს გამართულ შეხვედრაზე.
მხარეებმა განიხილეს ქვეყანაში ევროკავშირის მიერ დაფინანსებული პროგრამების მიმდინარეობა და სამომავლო პროექტების განხორციელების პერსპექტივა.
ფინანსთა მინისტრის, ნოდარ ხადურის განცხადებით, ფინანსთა სამინისტრო, როგორც საერთაშორისო დონორებთან თანამშრომლობის და მათი მხარდაჭერის კოორდინაციის კუთხით წამყვანი უწყება, მზადაა აქტიურად ითანამშრომლოს ევროკავშირის წარმომადგენლობასთან, რათა საქართველოსა და ევროკავშირს შორის პარტნიორობა კიდევ უფრო გაძლიერდეს და შეუქცევადი გახდეს.
