ხანგრძლივი ვარდნის შემდეგ რუსული ეროვნული ვალუტის კურსი გამყარებას იწყებს. დღეს დილით მოსკოვის საფინანსო ბირჟაზე დოლარის კურსმა 45,63 რუბლი შეადგინა, რაც 7 ნოემბრის მაჩვენებელზე 1 რუბლით ნაკლებია, ევროს კურსი კი 56,9 რუბლით განისაზღვრა. რუსული რუბლის კურსი აგვისტოს შემდეგ კატასტროფულად დაეცა, რაც მსოფლიო ბაზარზე ნავთობის ღირებულების შემცირებითა და დასავლეთის სანქციებით არის განპირობებული.
