ეკონომიკისა და მდგრადი განვითარების მინისტრმა გიორგი კვირიკაშვილმა მთავრობის სხდომის დასრულების შემდეგ კიდევ ერთხელ დადო პირობა, რომ გადამზიდავი კომპანიების წარმომადგენლებს შეხვდება.
,,გადამზიდავი კომპანიების წარმომადგენლებს აუცილებლად შევხვდები. ამ კვირაში ცნობილი მიზეზების გამო უბრალოდ შეხვედრა ვერ მოვახერხე", -განაცხადა კვირიკაშვილმა.
შეგახსენებთ რომ გადამზიდავი კომპანიები ეკონომიკის მინისტრისაგან დაპირებული შეხვედრის შესრულებას ითხოვენ.
გადამზიდავი კომპანიები „საფოსტო კავშირის შესახებ" ახალ კანონპროექტს აპროტესტებენ და საკანონმდებლო ორგანოში დოკუმენტის გადაგზავნის შეჩერებას ითხოვენ.
მათი განმარტებით, თუ პარლამენტი კანონპროექტის ამჟამინდელ ვერსიას მიიღებს, 30 კგ-მდე ტვირთების და 2 კგ-მდე დოკუმენტაციის გადაზიდვაზე ექსკლუზიური უფლებამოსილება მხოლოდ „საქართველოს ფოსტას" ექნება, რაც ბაზრიდან 40-მდე კომპანიის გასვლას გამოიწვევს.
ეკონომიკისა და მდგრადი განვითარების მინისტრმა გიორგი კვირიკაშვილმა 30 ოქტომბერს განაცხადა, რომ საფოსტო კომპანიების წარმომადგენლებს პირადად შეხვდებოდა.
