თავდაცვის ყოფილი მინისტრის ირაკლი ალასანიას გათავისუფლების შესახებ კითხვები გენერალ კაპანაძეს პენტაგონშიც დაუსვეს. როგორც კაპანაძემ განაცხადა ამერიკის თავდაცვის უწყებაში ეს საკითხი აქტიურად არ განხილულა, თუმცა შეკითხვები მაინც დაისვა.
მისივე თქმით, ვინაიდან პენტაგონი სამხედრო ორგანიზაციაა, ეს თემა განხილული არ იყო, თუმცა გაერთიანებული შტაბის უფროსის მრჩეველმა მას ჰკითხა, შეესაბამებოდა, თუ არა, გავრცელებული ინფორმაცია ალასანიას მოხსნის შესახებ სიმართლეს და იყო, თუ არა, ამის შესახებ ინფორმირებული თავად კაპანაძე.
გენერალური შტაბის უფროსი ვახტანგ კაპანაძე „კურიერთან" საუბრისას აღნიშნავს, რომ შეიარაღებული ძალები აპოლიტიკური ორგანოა და, მიუხედავად ყველაფრისა, ის ჩვეულ რეჟიმში განაგრძობს სამსახურს.
შეგახსენებთ, რომ იმ დროს, როდესაც საქართველოს თავდაცვის მინისტრი თანამდებობიდან გადააყენეს, გენერალი ვახტანგ კაპანაძე აშშ-ში შეხვედრებს მართავდა.
