2016 წლის არჩევნებზე ძნელი წარმოსადგენია კოალიცია იმ ფორმით წარსდგეს, რა ფორმითაც დღეს არის, - განაცხადა საქართველოს ყოფილმა თავდაცვის მინისტრმა ირაკლი ალასანიამ გადაცემა "არჩევანში".
მისი თქმით, ძნელი წარმოსადგენი ეს მას შემდეგ გახდა, რაც "კატასტროფული ინციდენტები" მოხდა.
"2016 წლის არჩევნებზე ძნელი წარმოსადგენია კოალიცია იმ ფორმით წარსდგეს, რა ფორმითაც დღეს წარსდგა. ჩვენ გვქონდა სურვილი, ვიდრე კატასტროფული ინციდენტები მოხდებოდა, რომ კოალიციას ასეთი ფორმით მიეღო მონაწილეობა მომდევნო არჩევნებში, მაგრამ ამის შანსს აბსოლუტურად ვეღარ ვხედავ", - აღნიშნა ალასანიამ.
