აჭარის სოფლის მეურნეობის მინისტრმა ზაურ ფუტკარაძემ საგანგებო ბრიფინგი გამართა და მეციტრუსე ფერმერები ამინდის მოსალოდნელი გაუარესების შესახებ გააფრთხილა.
„მოგეხსენებათ, რომ 4-5 ნოემბერს მოსალოდნელია მთელი ქვეყნის მასშტაბით და ჩვენს რეგიონშიც მოსალოდნელია ტემპერატურის მკვეთრი ვარდნა. მინდა მოსახლეობას მივმართო ტემპერატურის მკვეთრი ვარდნა უარყოფითად რომ არ აისახოს სოფლის მეურნეობის კულტურების ნაყოფზე, ასევე უკვე კარსმომდგარი ციტრუსის სეზონზე, ვთხოვო ჩვენს ფერმერებს, მაქსიმალურად შევეცადოთ მამაპაპური მეთოდებით, მათ შორის ამორტიზებული საბურავებისა და ნახერხის ბაღებში დაწვით უზრუნველვყოთ ნაყოფის შენარჩუნება. იმედი მაქვს, მოსახლეობა ამ თხოვნას გაგებით მოეკიდება. წელს უპრეცენდენტო შემთხვევა გვაქვს, 10 ათასი ოჯახი ჩაერთო აგროდაზღვევის პროექტში და დააზღვია მოსავალი. თუ მოსახლეობას აქვს სურვილი ჩაერთონ ამ პროექტში, მის ერთ-ერთ კომპონენტს წარმოადგენს ყინვა და მოსული ნალექი" - განაცხადა ზაურ ფუტკარაძემ ბრიფინგზე.