2015 წლის ბიუჯეტის პროექტში, საკანონმდებლო ორგანოში განხილვის შემდეგ, ცვლილებები შევიდა. როგორც ფინანსთა მინისტრმა ნოდარ ხადურმა მთავრობის სხდომის შემდეგ ჟურნალისტებთან განაცხადა, ბიუჯეტი დაახლოებით, 170 მილიონი ლარით გაიზარდა.
,,უპირველეს ყოვლისა უნდა ვთქვა რომ, დაახლოებით, 170 მილიონი ლარით გაიზარდა ბიუჯეტი პირვანდელ ვარიანტთან შედარებით. დაფინანსება გაეზარდა ძალიან ბევრ უწყებას. ჯანდაცვის მიმართულებით 25 მილიონი ლარითაა ბიუჯეტი გაზრდილი, აქედან ნაწილი სექტემბრიდან მოხმარდება სოციალურად დაუცველებისთვის პენსიის ზრდას", _განაცხადა ხადურმა.
შეგახსენებთ, რომ 2015 წლის ბიუჯეტის თავდაპირველ ვარიანტში ასიგნებები 9 350.0 მლნ ლარის ოდენობით განისაზღვრა.
