დედაქალაქის მერია მის სტრუქტურებში დასაქმებულთა ნასამართლეობას უარყოფს და აღნიშნულთან დაკავშირებით განცხადებას ავრცელებს:
„დღეს ერთიანი ნაციონალური მოძრაობის წევრებმა გაავრცელეს მცდარი ინფორმაცია მერიის სოციალური საქალაქო სამსახურის უფროსის, გელა ჩივიაშვილის, ნაძალადევის რაიონის გამგეობის თანამშრომლის, ვასილ ბექაურისა და საბურთალოს რაიონის გამგეობის თანამშრომლის, კახა გავაშელის ნასამართლეობასთან დაკავშირებით.
სამწუხაროდ, ეს არ არის პირველი შემთხვევა, როდესაც აღნიშნული პარტია მიზანმიმართულად ავრცელებს ცრუ ინფორმაციას. მათ მიერ ამჯერადაც ცრუ ინფორმაციის გავრცელებას ადასტურებს ოფიციალური დოკუმენტები, რომლის თანახმადაც, არც ერთი ეს თანამშრომელი „არ არის ნასამართლევი და ძებნაში არ იმყოფება", - ნათქვამია თბლისის მერიის განცხადებაში.
