ეკონომიკისა და მდგარი განვითარების მინისტრი გიორგი კვირიკაშვილი მიიჩნევს, რომ DHL, TNT HLდა სხვა საერთაშორისო საფოსტო კომპანიების გაფიცვა მიზანშეწონილი არაა, რადგან ,,ფოსტის შესახებ" კანონზე მუშაობა ჯერ დასრულებული არა არის. როგორც საკითხის კომენტირებისას კვირიკაშვილმა მთავრობის სხდომის შემდეგ განაცხადა 3, ან 4 ნოემბერს ის პირადად საფოსტო კომპანიების წარმომადგენლებს შეხვდება.
,,ჩემთვის გაფიცვის ფორმა ცოტა უცნაურია, რადგან ,,ფოსტის შესახებ" კანონპროექტზე მუშაობა არ დაგვისრულებია, ევროკავშირის ექსპერტებთან გვქონდა მოლაპარაკება.დღეს ვესაუბრე კომპანიის წარმომადგენლებს და დავნიშნეთ შეხვედრა. იქითა კვირის დასაწყისში პირადად მე შევხვდები და გვექნება კანონპროექტის მუხლობრივი განხილვა და ვფიქრობ ამის შემდეგ ყველა კითხვის ნიშანი მოიხსნება", _განაცხადა კვირიკაშვილმა.
მისივე განცხადებით, სახელმწიფო მზადაა გაითვალისწინოს კერძოს სექტორის ინტერესები.
შეგახსენებთ, რომ დღეს, 30 ოქტომბერს, DHL-ისა და TNT-ს მომსახურებით სარგებლობა საქართველოში შეუძლებელია. დღეს ქართველო მომსმარებელი საერთაშორისო საფოსტო კავშირის კომპანიებით ვერც ამანათებს მიიღებენ და ვერც თავად გაგზავნიან. მიზეზი კი DHL-ის, TNT-ს, "სთარ გრუპის" და სხვა საერთაშორისო საფოსტო კომპანიების, ერთდღიანი გამაფრთხილებელი აქციაა. თავად აქციის მიზეზი კი საქართველოს ეკონომიკის სამინისტროს მიერ შემუშავებული კანონპროექტია, რომლის მიხედვითაც ბაზრის მონოპოლისტი "საქართველოს ფოსტა" ხდება.
როგორც აქციის მონაწილეები აცხადებენ, საქართველოს ეკონომიკისა და მდგრადი განვითარების სამინისტროს მიერ შემუშავებული კანონპროექტი „საფოსტო კავშირის შესახებ" გადამზიდავი კომპანიებისთვის გაუმართლებელ შეზღუდვების დაწესებას ითვალისწინებს და ის უარყოფით გავლენს მოახდენს ბაზრის ამ სეგმენტზე თავისუფალი, სამართლიანი და კონკურენტული ბიზნესგარემოს არსებობაზე.
მათი განმარტებით, შემოთავაზებული რეგულაციები პირდაპირ ეწინააღმდეგება თანამედროვე საერთაშორისო პრაქტიკას და საქართველო - ევროკავშირის ასოცირების ხელშეკრულებით აღებულ ვალდებულებებს. აღნიშნული რეგულაციების შემოღება საქართველოს ბაზარზე მოქმედი საერთაშორისო კომპანიების -TNT, DHL, FEDEX და ორმოცამდე სხვა კომპანიის საქმიანობაში სერიოზულ ბიუროკრატიულ ბარიერად იქცევა. შედეგად ამ კომპანიების საქმიანობა საქართველოში პრაქტიკულად შეუძლებელი გახდება.
„ჩვენი კომპანიები ამ გამაფრთხილებელი გაფიცვით გამოხატავენ პროტესტს საქართველოს ეკონომიკისა და მდგრადი განვითარების სამინისტროს მიერ შემუშავებული ფოსტის შესახებ კანონპროექტის გამო, რომელიც ბაზრის ამ სეგმენტზე ეკონომიკურად დაუსაბუთებელი სახელმფიფო რეგულირების შემორებას ითვალისწინებს. ამ კანონპროექტით პრაქტიკულად ხდება ქვეყნის ეკონომიკის, როგორც ევროპული ორიენტაციის ეკონომიკის, მიმართულების ცვლილება", - აცხადებენ კომპანიებში.
