კომპანია Boeing-მა ჩინეთში ექსპერიმენტული საწარმო გახსნა, რომელიც საკვები ზეთისგან ავიაციისთვის განკუთვნილ ბიოსაწვავს გამოიმუშავებს. Boeing-მა აღნიშნული პროექტის განხორციელება ჩინეთის საავიაციო კორპორაცია „სომასთან" თანამშრომლობით დაიწყო და ის დიდი რაოდენობით ბიოსაწვავის წარმოებაზეა ორიენტირებული.
საწარმოს დღეში 650 ლიტრი ბიოსაწვავის წარმოება შეუძლია. გადამუშავებული ზეთის გამოყენება შესაძლებელს გახდის საავიციო ნავთის გამოყნებასთან შედარებით, 50-80%-ით შემცირდეს ნახშიროჟანგის გამოყოფა.
ჯერჯერობით ბიოსაწვავი რეგულარულად არ გამოყენება და მიმდინარეობს სატესტო ფრენები.
Boeing-მა South African Airways-თან და SkyNRG-სთან ერთად დაიწყო ბიოსაწვავის წარმოების პროექტი, რომლითაც ზეთის მიღება მოხდება თამბაქოს სპეციალური სახეობიდან, რომელსაც სამხრეთ აფრიკაში მოიყვანენ.
