„ნაციონალური მოძრაობა" რუსეთ-საქართველოს შორის საჰაერო მისმოსვლის აღდგენასტან დაკავსირებით განცხადეას ავრცელებს, რომელსაც უცვლელად გთავაზობთ:
აბაშიძე-კარასინის შეხვედრები, რომელსაც ხელისუფლება განმარტავდა, როგორც აპოლიტიკურ შეხვედრებს, სადაც საუბრობდნენ მხოლოდ ღვინის, დაფნისა, თუ ვაშლის გატანაზე, კიდევ ერთი ტყუილი აღმოჩნდა!
ჩვენთვის ცნობილი გახდა, ამ შეხვედრების ერთ-ერთი შედეგი, რომელიც საქართველოს დამოუკიდებლობისათვის კიდევ ერთ საფრთხეს წარმოადგენს და არის კიდევ ერთი მავნებლობა აბაშიძე-კარასინის შეხვედრებისა.
26 ოქტომბერს საქართელოში ფრენებს იწყებს „აეროფლოტი" ერთ-ერთი უდიდესი სიმბოლო პუტინის რუსეთისა და ბატონი აბაშიძის პირადი დამსახურებით, პირობები საქართელოსათვის აბოლუტურად კაბალურია.
და აი, რატომ: მოგეხსენებათ, 2006 წელს აღდგა ფრენები თბილისი-მოსკოვის მიმართულებით ხელშეკრულების, „საქართელოსა და რუსეთს შორის საჰაერო მიმოსვლის შესახებ" საფუძველზე, რომლის მე-14 მუხლი იცავდა ქართული მხარის უფლებებს გამოხატულს პარიტეტში (ამ შემთხვევაში გადაწყდა 10 რუსული კომპანიის რეისი, 10 ქართული). ფრენები 2008 წელს შეწყდა. 2010 წელს აღდგა მხოლოდ ჩარტერული რეისები, პარიტეტი აქაც დაცული იყო. სულ ხორციელდებოდა 20 რეისი.
აბაშიძე-კარასინის შეხვედრებზე კი ბატონი აბაშიძემ შესთავაზა რუსულ მხარეს ფრენების აღდგენა 2006 წლის ხელშეკრულების საფუძველზე. თუმცა რუსულმა მხარემ მოითხოვა, ამ შემთხვევაში არ ამოქმედებულიყო მე-14 მუხლი პარიტეტის შესახებ. ბატონი აბაშიძე ამ მოთხოვნას დათანხმდა. დასტურად, ქართულმა მხარემ, საქართელოს საგარეო საქმეთა სამინისტრომ, რუსეთის საგარეო საქმეთა მინისტრ ლავროვთან გააგზავნა ნოტა, სადაც გამოხატა მზადყოფნა, უპირობოდ შემოეშვა საქართველოში რუსული ავიაკომპანიები. საქართელოში ფრენაზე სურვილი გამოთქვა 26 -მა რუსულმა კომპანიამ, რომელთა შორის არის ევროპის სანქციებში მოყოლილი კომპანიები, რომელთაც ევროპის ბაზარზე აღარ უშვებენ.
ჩვენი ინფორმაციით, მას შემდეგ რაც გაიარეს კონსულტაცია საქმის სპეციალისტებთან და დარწმუნდნენ, რამდენად წამგებიანია ეს პირობები საქართელოსთვის, ერთი თვის შემდეგ ახალი, მეორე ნოტა გააგზავნეს, სადაც განმარტავენ, რომ ხელშეკრულების მე-14 მუხლი აუცილებელია ამოქმედდეს პარიტეტით 10/10-ზე. რაზეც, რასაკვირველია მიიღო უარი რუსული მხარიდან! ამ უგუნური ნაბიჯით, დღეს საქართელოს ფრენებზე წესებს რუსეთი განსაზღვრავს!
რუსეთის ხელისუფლება სარგებლობს რა ქართული ხელისუფლების უუნარობითა და არაპროფესიონალიზმით, ახორციელებს ძალადობრივ აქტს, რაც საბოლოოდ გამოიწვევს არა მარტო ქართული კომპანიებისა და ოპერატორების გაკოტრებას, არამედ დიდი მსოფლიო ავიაკომპანიების განდევნას საქართელოს ბაზრიდან. რადგანაც მოსკოვის საბოლოო მიზანია აზიისა და ევროპის საავიაციო ჰაბი გადაიტანოს მოსკოვში.
გარდა ამისა, გაცნობებთ, რომ ა/წ 30 სექტემბერს „აეროფლოტმა" ოფიციალური თბილისისათვის შეტყობინების გარეშე, უკვე განახორციელა სოხუმი-მოსკოვის რეისი, რომელიც რეგულარული გახდება მოსკოვი-თბილისის ფრენების შემდეგ. ამის თაობაზე კი, საქართელოს მთავრობას არანაირი პროტესტი არ გამოუთქვამს.
