24 ოქტემბერს თბილისში პირველი IT ბაზრობა ჩატარდება. აღნიშნული ღონისძიების მიზანი, რომელიც ჟურნალ ნავიგატორის საიუბილეო მე-500-ე ნომრის გამოშვებასთან დაკავშირებით ტარდება, საქართველოში ინოვაციებისა და ტექნოლოგიების პოპულარიზაცია, აგრეთვე გაყიდვების ბაზარზე წარმოდგენილი წამყვანი ბრენდებისთვის სამომხმარებლო ბაზრის კომერციული გაცნობაა.
ღონისძიების ფარგლებში ჩატარდება: ერთდღიანი ბაზრობა;
სპონსორების პრეზენტაცია; მონაწილეთა საზეიმო დაჯილდოება.
ღონისძიებაზე მოწვეულნი იქნებიან საქართველოში IT საზოგადოების წამყვანი წარმომადგენლები, აგრეთვე პოტენციური კლიენტები: ბანკების ტოპ მენეჯერები, კომპანიები, სახელმწიფო დაწესებულებების ხელმძღვანელები და წარმომადგენლები, სტუდენტები.
