საქართველოს საინვესტიციო შესაძლებლობები განიხილეს ფინანსთა მინისტრმა ნოდარ ხადურმა და არაბთა გაერთიანებული საემიროების საერთაშორისო თანამშრომლობისა და განვითარების მინისტრმა შეიხა ლუბნა ბინტ ხალედ ალ-ქასიმმა ფინანსთა სამინისტროში გამართული შეხვედრის დროს. ფინანსთა მინისტრმა სტუმარს მიაწოდა ინფორმაცია საქართველოს ეკონომიკურ მდგომარეობაზე, ქვეყანაში არსებულ საინვესტიციო გარემოზე, მოქმედი საგადასახადო და საბაჟო კანონმდებლობის შესახებ. მხარეებმა განიხილეს ორ ქვეყანას შორი თანამშრომლობის პერსპექტივა.
საქართველოში სამდღიანი ვიზიტის ფარგლებში არაბთა გაერთიანებული საემიროების საერთაშორისო თანამშრომლობისა და განვითარების მინისტრი შეხვდება აღმასრულებელი ხელისუფლების წარმომადგენლებს, დაათვალიერებს რამდენიმე ქართულ საწარმოს. დაგეგმილია მისი შეხვედრა პრემიერ-მინისტრ ირაკლი ღარიბაშვილთან.
