ევროკავშირის დაფინანსებული სატყეო პროგრამის ENPI FLEG-ის დახმარებით საქართველოს მთავრობამ თუშეთის დაცული ტერიტორია ადგილობრივ ხელისუფლებას გადასცა, 1921 წლის შემდეგ პირველად ადგილობრივ მმართველობას მიეცა საშუალება კონტროლი გაუწიოს თუშეთის დაცულ ლანდშაფტს.
ეს არის ტყეების დეცენტრალიზაციის მენეჯმენტის პირველი შემთხვევა საქართველოში.
,,თუშეთი ერთდროულად არის ბუნებრივი ღირებულება და ხალხისთვის სასიცოცხლო მნიშვნელობის ადგილი, კონტროლის გადაცემა ადგილობრივი ხელისუფლებისთვის მეტად მნიშვნელოვანია , როგორც დაცული ტერიტორიისთვის , ასევე ადგილობრივი მაცხოვრებლებისთვის", - განაცხადა FLEG II პროგრამის კოორდინატორმა მარიკა ქავთარიშვმა.
ტექნიკური ექსპერტიზის უზრუნველსაყოფად პროგრამა FLEG II თანამშრომლობს ყველა მხარესთან პროცესის სხვადასხვა ეტაპებზე.
ადგილობრივი ხელისუფლებისთვის სამართლებრივი გზით გადაცემის შემდეგ, თუშეთის დაცული ტერიტორიის ადმინისტრაციას შესაძლებლობა მიეცემა გააძლიეროს სატყეო მეურნეობის პერსონალის პოტენციალი, ტყის ინვენტარიზაცია, შეიმუშავოს სატყეო მენეჯმენტის გეგმა, ადგილობრივი მოთხოვნების შესაბამისად შექმნას ტყის პროდუქტის მომარაგების გამჭვირვალე და მდგრადი სისტემა .დაცული ტერიტორიის სტატუსის გათვალისწინებით, ადმინისტრაცია ასევე პასუხისმგებელი იქნება მიიღოს ყველა ის აუცილებელი ზომა, რომელიც უზრუნველყოფს ტყის ხანძრის კონტროლს, ასევე მავნებლებთან და სხვადასხვა დაავადებებთან ბრძოლის მენეჯმენტს.
9 მლნ ევროიანი ENPI FLEG II პროგრამა პილოტური პროექტების ფარგლებში აღრმავებს რეფორმებს სატყეო პოლიტიკაში, სექტორის საკანონმდებლო და ადმინისტრაციულ საკითხებში. პროგრამა ეფუძნება მისი წინამორბედი პროგრამის ENPI FLEG I მიღწევებს.
2014 წლის განმავლობაში FLEG II მუშაობს სამი ძირითადი მიმართულებით: ტყის მართვის შეფასება დაცულ ტერიტორიებზე, ადგილობრივი სატყეო მეურნეობის მხარდაჭერა, ადამიანის ბუნებაზე დამოკიდებულების შეფასება ტყიან ლანდშაფტებზე
