აჭარის მთავრობამ, სასტუმრო ,,მარინა კოლიზეუმის" ინვესტორს, კომპანია "მარი ჯგუფს" კომპლექსის ექსპლუატაციაში შეყვანის ვადა 4 თვით, 2015 წლის 1-ელ ივლისამდე გადაუწია. აჭარის ფინანსთა და ეკონომიკის სამინისტროში აცხადებენ, რომ ინვესტორს ხელშეკრულებით დათქმულ ვადაში შესრულებული აქვს ყველა ვალდებულება, გარდა მშენებლობის დასრულებისა და ექსპლუატაციაში შეყვანისა. ამისათ[ის კი კომპანიამ ვადის გადაწევა ოთხი თვით, 2015 წლის 1 მარტიდან 2015 წლის 1 ივლისამდე ითხოვა, რაზეც დადებითი გადაწყვეტილება რეგიონის მთავრობამ უკვე მიიღო.
შეგახსენებთ, რომ ბათუმში 4 ვარსკვლავიანი სასტუმროს "მარინა კოლიზეუმის" მშენებლობას კომპანია "მარი ჯგუფი" (შემდგომში შპს ,,MARINE COLISEUM"-ია) ახორციელებს, რომლის 100 %-იანი წილის მფლობელი ინგა არშბაა. ინვესტორმა
ბათუმში, ხიმშიაშვილის ქუჩის გასწვრივ მდებარე 2276 კვ/მ შენობა-ნაგებობა და მასზე დამაგრებული 8121 კვ/მ არასასოფლო-სამეურნეო დამიშნულების მიწის ნაკვეთი, პირდაპირი მიყიდვის ფორმით 2012 წელს, 1 ლარად შეიძინა. ადგილობრივ მთავრობასა და ინვესტორს შორის გაფორმებული ხელშეკრულების თანახმად, "მარი ჯგუფმა" სასტუმროს მშენებლობა 2013 წლის 1 მარტამდე დაიწყო. ხელსეკრულების მიხედვით, სასტუმრო არანაკლებ 100 ნომრზე იქნება გათვლილი და მასში, სასტუმროის გახსნიდან 1 თვეში საქართველოს არანაკლებ 100 მოქალაქის დასაქმება.
