19 ოქტომბერს, „თეგეტა მოტორსის ცენტრალური ფილიალის ავტოსადგომზე, გაიმართება სამოყვარულო საავტომობილო შეჯიბრი წყვილთა რბოლაში. რბოლა იმართება კომპანია „თეგეტა მოტორსისა" და „მერსედეს ბენც კლუბ საქართველოს" ორგანიზებით. შეჯიბრი დილიდან დაიწყება და გაგრძელდება მთელი დღის განმავლობაში.
შეჯიბრში მონაწილეობას მიიღებენ როგორც პროფესიონალები, ისე მოყვარულები სხვადასხვა კლასში. ნებისმიერი მართვის მოწმობის მქონე მსურველი, ნებისმიერი მარკის მსუბუქი ავტომობილით შეძლებს რბოლაში მონაწილეობის მიღებას. გარდა სპეციალურად მომზადებული სარბოლო მანქანებისა როგორიცაა მაგ. ლეგენდ ქარი, ფორმულა ალფა, კარტინგი.
თეგეტა მოტორსმა და ივენთის პარტნიორმა ორგანიზაციებმა დააწესეს სოლიდური საპრიზო ფონდი, როგორიცაა მომსახურების ვაუჩერები, გამარჯვებული მანქანისთვის საავტომობილო ზეთები, საწვავი, კოპენბურის, პორშეს, შელისა და თეგეტა მოტორსის ბრენდირებული სასაჩუქრე ნაკრებები და სხვა პრიზები. გარდა ამისა, ყველა კლასის გამარჯვებულს საჩუქრად გადაეცემა მედალი, თასი და სიგელი.
შეჯიბრზე განთვსებული იქნება კვების ობიექტი, მონაწილე მრბოლელებისთვის იმუშავებს სერვისის 1 უბანი, მიმდინარე შედეგების გაშუქება კი, გარდა წამყვანის მიერ დროულად მოწოდებული ინფორმაციისა, მოხდება სპეციალური მონიტორის საშუალებით; შეჯიბრის მაყურებლებისთვის სანახაობის გარდა ,მრავალი სიურპრიზი და საჩუქარია გათვალისწინებული.
ღონისძიების გენერალური სპონსორია Bridgestone; ოფიციალური პარტნიორები: Tegeta Truck & Bus, Tegeta Construction Equipment, Tegeta Premium Vehicles, ტოიოტა ცენტრი თეგეტა, ტრანსკავკასიური სადისტრიბუციო კომპანია, "ლუკოილი" და ლუკოილის "ექტო". ოფიციალური მზღვეველია KOPENBUR. პარტნიორები: Myvideo.ge, GT performance გასართობი ცენტრი ასტრა პარკი.