კორპორაცია Apple-მა ბაზარზე ორი ახალი პლანშეტი iPad Air 2 და iPad Mini 3 გამოიტანა.
ახალი პროდუქტების პრეზენტაცია კომპანიის კალიფორნიის შტაბ-ბინაში მოხდა და მას ტრადიციულად კომპანიის გენერალური დირექტორი ტიმ კუკი უძღვებოდა.
ახალი პლანშეტები ახალ საოპერაციო სისტემაზე iOS 8.1-ზე მუშაობს და რომელიც Apple-ის სხვა მოწყობილობებისათვის ორშაბათიდან გახდება ხელმისაწვდომი.
iPad Air 2 მის წინამორბედთან შედარებით 18%-ით მსუბუქია, ხოლო სისქე 6,1 მმ. როგორც Apple-ში აცხადებენ, iPad Air 2 ამ დროისათვის მსოფლიოში ყველაზე თხელი პლანშეტია.
16 GB-იანი iPad Air 2-ის ღირებულება აშშ-ში 499 დოლარია, ხოლო 64 GB-იანისა კი - 599 დოლარი. რაც შეეხება 128 GB-იან iPad Air 2-ს, ის 699 დოლარი ღირს.
მასალის გამოყენების პირობები
