შოკოლადის მწარმოებლები შიშობენ, რომ ებოლამ შესაძლოა გვინეასა და ლიბერიის საზღვარი გადაკვეთოს და მეზობელ კოტ-დიუარში "გაბატონდეს".
უნდა აღინიშნოს, რომ ზუსტად გვინეასა და ლიბერიაშია კომპანიების: Nestle-ს, Mars-სა და Hershey-ის პლანტაციები. იმავდროულად სწორედ ამ ქვეყნებზე მოდის შოკოლადის მსოფლიო წარმოების 40 %-ი, ხოლო 20 %-ი კი მეზობელ განაში.
კაკაოს მსოფლიო ფონდმა უკვე მიმართა მწარმოებლებს, საუბარია113 კომპანიაზე, რომ ებოლას წინააღმდეგ საბრძოლველად თანხები არ დაიშურონ.
კაკაოს საერთაშორისო ორგანიზაციის ინფორმაციით, კოტ-დიუარმა გასულ სეზონზე 1,45 მლნ ტონა კაკაო აწარმოა, მიმდინარე სეზონზე კი ქვეყანა კაკაოს რეკორდული მოსავლის მიღებას ვარაუდობს. მოსავლის ძირითად ნაწილს ამ ქვეყანაში ნოემბრიდან-იანვრის ჩათვლით იღებენ, თუმცა რეალურად რა მოცულობის მოსავლის აღება მოხდება და იქნება თუ არა დანაკარგი, ეს დამოკიდებული იქნება იმაზე კოტ-დიუარში ებოლა რამდენად მალე გავრცელდება.
ექსპერტები მიიჩნევენ, რომ ქვეყნის საზღვარზე კარანტინმა შესაძლოა კაკაოს 75 ათას ტონიანი დანაკარგი განაპირობოს, თუმცა თუ ეს დანაკარგი 600 ათას ტონას მიაღწევს, მაშინ შოკოლადის ბიზნესში კატასტროფა გარდაუვალი იქნება. ექსპერტები განმარტავენ, რომ კარანტინის გამო ფერმერებმა შესაძლოა კაკაოს პლანტაციები მიატოვონ და კაკაოს ნაყოფი ხეზევე გაფუჭდეს.
