19 წლის იოსებ გიორხელიძის გატაცების საქმეზე კომენტარი შინაგან საქმეთა მინისტრის მოადგილე ვახტანგ გომელაურმა გააკეთა. მან სამართალდამცველებს დროული რეაგირებისთვის მადლობა გადაუხადა აღნიშნა, რომ საქმეზე პრემიერ მინისტრის განცხადებაში საგანგაშოს ვერაფერს ხედავს.
"მოხდა ადამიანის გატაცება ფულის გამოძალვის მიზნით. მე მინდა ვისარგებლო და მადლობა გადავუხადო ყველა იმ თანამშრომელს, რომლებმაც ნამდვილად 24 საათის განმავლობაში მუხლჩაუხრელად იმუშავეს და შედეგიც დადგა, მძევალი უვნებლად გათავისუფლდა და ოთხივე პიროვნება, ვინც მონაწილეობდა გატაცებაში, დაკავებული იქნა.
დემოკრატიულ ქვეყანაში ვცხოვრობთ და დემოკრატიის ერთ-ერთი სავიზიტო ბარათია სიტყვის თავისუფლება. რა თქმა უნდა, ყველას შეუძლია, როგორც ჩვეულებრივ მოქალაქეს, ასევე პოლიტიკოსებსაც, თავისი მოსაზრება გააჟღერონ.
არ ვთვლი, რამე საგანგაშო განცხადება გაკეთდა. ძიება მიმდინარეობს, ყველაფერი დაიდება -„ნაციონალური მოძრაობიდან" მოდის თუ ჩვეულებრივი კრიმინალები არიან, ძიება დაადგენს", - განაცხადა გომელაურმა.
შეგახსენებთ, 19 წლის იოსებ გიორხელიძის გატაცებასათან დაკავშირებით პრემიერ-მინისტრმა განცხადებას, რომ ეს არის „ნაციონალური მოძრაობის" ხელწერა, თუმცა ამას გამოძიება სჭირდება.
