დღეს, 8 ოქტომბერს, 15.00 სთ-ზე, მიხეილ თუმანიშვილის კინომსახიობთა თეატრის ფოიეში გაიმართება ხელოვნების საერთაშორისო ფესტივალის „საჩუქარი 2014" პრესკონფერენცია.

საქართველოს კულტურისა და ძეგლთა დაცვის სამინისტროსა და თბილისის მერიის კულტურული ღონისძიებების ცენტრის მხარდაჭერით 2014 წლის „საჩუქარი" გაიხსნება 17 ოქტომბერს და საზეიმოდ დაიხურება 17 ნოემბერს. ოთხი კვირის განმავლობაში თბილისელ მაყურებელს საშუალება ექნება დაესწროს მსოფლიო პრემიერებს, ქართულ თეატრალურ სივრცეში იხილოს ანი ბოგარტი, დიმიტრი კრიმოვი, ანდრეი ჟოლდაკი, ანდრონ კონჩალოვსკი და სხვანი.

პრესკონფერენზიაზე წარმოდგენილი იქნება ფესტივალის პროგრამა, გამოცხადდება ჩვენი მთავარი საინფორმაციო მხარდამჭერები და ფესტივალის გასაშუქებლად აკრედიტირებული ჟურნალისტების სია. ფესტივალის საორგანიზაციო ჯგუფი ჟურნალისტებს მიაწვდის მათთვის საჭირო სრულ ინფორმაციას.

ფესტივალი "საჩუქარი"დაარსდა 1997 წელს ედინბურგის, ადელაიდის, მელბურნის, პერტის საერთაშორისო სახელოვნებო ფესტივალების მიერ. დაარსების დღიდან ფესტივალს მხარს უჭერენ ისეთი დიდი ხელოვანები როგორებიც არიან პიტერ ბრუკი, ანჯეი ვაიდა, ვანესა რედგრეივი, მაიკ ლკანი, ანდრეი კონჩალოვსკი, ტელმა ჰოლტი და სხვები. "საჩუქარი'' წარმოადგენს ედინბურგის ფესტივალის ანალოგს.