აჭარის ა/რ ჯანმრთელობისა და სოციალური დაცვის სამინისტროს ინიციატივითა და ხელვაჩაურისა და ქედის მუნიციპალიტეტების გამგეობების ორგანიზებით დღეს, ქედის რაიონულ საავადმყოფოში და ჯანმრთელობის ცენტრ „მედინა"-ში სისხლის უანგარო დონაციის აქცია ჩატარდა.
უანგარო დონაციის აქციაში ქედისა და ხელვაჩაურის მუნიციპალიტეტების გამგეობების, საკრებულოების და აღნიშნულ უწყებებს გაქვემდებარებული სხვადასხვა სამსახურების თანამშრომლები ჩაერთნენ.
სისხლი, ჯანმრთელობის ცენტრ „მედინა"-ს სისხლის ბანკისთვის და ბათუმის რეფერალური საავადმყოფოს სისხლის ბანკისთვის შეგროვდა.
სტატისტიკური მონაცემების თანახმად, საქართველოში 18 წლის ზემოთ მოსახლეობაში უამრავი დაავადება ფიქსირდება, რომლის დროსაც საჭირო ხდება სისხლის გადასხმა (მათ შორის ავტო-ავარიები, ძუძუს კიბოთი დაავადებული ქალბატონები, მშობიარეები, სხვადასხვა კლინიკურ მდგომარეობები და სხვა). მსგავსი აქციები ხელს უწყობს სისხლის ბანკებში მარაგის შევსებას და გართულებების თავიდან აცილებს.
დონაციის შემდგომ, ხდება სისხლის განახლება, რაც დადებითად მოქმედებს დონორის ჯანმრთელობაზე. ასევე, მას უფასოდ უტარდება ძვირადღირებული გამოკვლევა რამდენიმე ვირუსზე (B და ჩ ჰეპატიტი, შიდსი, სიფილისი. ასევე დაუდგინდება სისხლის ჯგუფი და რეზუსი და ჰემოგლობინი), რის შემდეგაც ის ფლობს ინფორმაციას თავისი ჯანმრთელობის მდგომარეობის შესახებ.
სამინისტროს ინიციატივით არაერთი მსგავსი აქცია ჩატარდა, როგორც ადგილობრივი სისხლის ბანკების შესავდებად, ასევე ლეიკემიით დაავდებული ბავშვების დასახმარებლად.
