დღეს, 30 სექტემბერს, საქართველოს 2015 წლის სახელმწიფო ბიუჯეტის პროექტი მთავრობას წარედგინება, რის შემდეგაც პარლამენტში შევა. ამის შესახებ პარლამენტის თავმჯდომარე დავით უსუფაშვილმა ბიუროს სხდომაზე განაცხადა.
ქვეყნის კონსტიტუციის მიხედვით, აღმასრულებელი ხელისუფლება ვალდებულია, მომავალი წლის სახელმწიფო ბიუჯეტის პროექტი პარლამენტს საბიუჯეტო წლის დასრულებამდე არა უგვიანეს სამი თვისა წარუდგინოს.
აქედან გამომდინარე, ქვეყნის მთავარი ფინანსური დოკუმენტი პარლამენტში 1-ელ ოქტომბრამდე უნდა შევიდეს.
