პრემიერ-მინისტრის ირაკლი ღარიბაშვილის განცხადებით, საქართველოს გავლით პროდუქციის ტრანსპორტირება აზიასა და ევროპას შორის საოცრად მარტივი და იაფია.
პრემიერი ვარუდობს, რომ ღრმა და ყოვლისმომცველი თავისუფალი სავაჭრო ზონის პირობებში, მეწარმეები რომლებიც ცდილობენ პროდუქცია გაყიდონ ევროპაში, დსთ-სა და თურქეთში, საქმიანობას საქართველოში გადმოიტანენ.
,,ჩემი ვარაუდით, ღრმა და ყოვლისმომცველი თავისუფალი სავაჭრო ზონის პირობებში, წინდახედული მეწარმეები, რომლებიც ცდილობენ პროდუქცია გაყიდონ ევროპაში, დსთ-სა და თურქეთში, საქმიანობას სწორედ კეთილგანწყობილ საქართველოში გადმოიტანენ.მეორე მნიშვნელოვანი ფაქტორიც ქვეყნის სტრატეგიული მდებარეობიდან გამომდინარეობს, რომლის წყალობითაც საქართველო ასრულებს მნიშვნელოვან როლს ევროპის ენერგეტიკულ დამოუკიდებლობაში. საქართველო მხარს უჭერს ევროპაში კასპიის ზღვის რეგიონიდან ნავთობისა და ბუნებრივი აირის ტრანსპორტირების ერთადერთ გზას, რომელიც არ გადის რუსეთის კონტროლის ქვეშ მყოფ ტერიტორიებსა და მილსადენების სისტემებზე. შარშან შაჰ-დენიზის კონსორციუმმა გამოაცხადა სამხრეთ კავკასიის მილსადენის მასიური გაფართოების (28 მილიარდი დოლარი) შესახებ აზერბაიჯანისა და საქართველოს გავლით, რაც უზრუნველყოფს ევროპასა და თურქეთს ბუნებრივი აირის 16 მილიარდი კუბური მეტრით", _განმარტა პრემიერმა საერთაშორისო ეკონომიკური ალიანსის (IEA) მიერ ორგანიზებულ გლობალურ საინვესტიციო სიმპოზიუმზე სიტყვით გამოსვლისას.
