რვა თვის შედეგებით "ვითიბი ბანკის" ფინანსური მაჩვენებლების ზრდა გაცილებით აღემატება მთლიანი საბანკო სექტორის ანალოგიური მაჩვენებლების ზრდას. ბანკის მენეჯმენტის ინფორმაციით, მნიშვნელოვნად გაიზარდა ფიზიკური პირების და ბიზნესის დაკრედიტება, ბანკის მთლიანი საკრედიტო პორტფელის ზრდამ 14% შეადგინა, მაშინ როდესაც საბანკო სისტემის საკრედიტო პორტფელის ზრდა არ აღემატება 6.7% - ს.
მსხვილი, საშუალო და მცირე ბიზნესის სესხების ზრდამ 15.2% შეადგინა და საკრედიტო პორტფელმა 353 მილიონ ლარს გადააჭარბა. ფიზიკურ პირებზე გაცემული სესხების პორტფელის ზრდამ 11.8% შეადგინა და მოცულობამ 210 მილიონ ლარს გადააჭარბა.
საანგარიშო პერიოდის განმავლობაში ფიზიკური პირების დეპოზიტების მოცულობა 6.6% -ით გაიზარდა და 193 მილიონ ლარს მიაღწია. იურიდიული პირების დეპოზიტების ზრდამ 20.3% შეადგინა და 405 მილიონ ლარს გადააჭარბა.
2014 წლის რვა თვის შედეგებით, "ვითიბი ბანკის" აქტივების ზრდამ 15.5% შეადგინა და 953 მილიონ ლარს გადააჭარბა, რაც საბანკო სექტორის მთლიანი აქტივების ზრდას (7.5%) თითქმის ორჯერ აღემატებოდა.ვითიბი ბანკის მოგება 7.8 მილიონი ლარით განისაზღვრა.
"რვა თვის შედეგებით, ვითიბი ბანკის ფინასური მაჩვენებლების ზრდის ტემპი საშუალოდ ორჯერ აღემატება საბანკო სექტორის ფინანსური მაჩვენებლების ზრდის ტემპს, რაც ბანკის სწორი და თანმიმდევრული განვითარების შედეგია. ფინანსური მონაცემების მუდმივი ზრდა, ჩვენი კლიენტების მხრიდან, მაღალ ნდობაზე მიუთითებს. საანგარიშო პერიოდის განამვლობაში ბანკმა თანაბარ წილად გაზარდა როგორც ბიზნესის, ასევე ფიზიკური პირების დაკრედიტება, ასევე მნიშვნელოვნად გააქტიურა აგრო სექტორის დაფინანსება.
ამასთან ერთად "ვითიბი ბანკი" აგრძელებს ბიზნესის გაფართოებას, მიმდინარე წლის ბოლომდე და მომავალი წლის განმავლობაში დაგეგმილია ფილიალების რაოდენობის მნიშვნელოვანი ზრდა მთელ საქართველოში, რაც სტაბილურ განვითარებაზე და ბანკის მნიშვნელოვან წინსვლაზე მიუთითებს", - განაცხადა "ვითიბი ბანკის" ფინანსურმა დირექტორმა მამუკა მენთეშაშვილმა.
