„აეროფლოტი" ქართულ ავიაბაზარს უბრუნდება. თბილისისა და ბათუმის საერთაშორისო აეროპორტების ოპერატორ კომპანია „ტავ ჯორჯიაში" განმარტავენ, რომ კომპანიამ წარმატებით დაასრულა მოლაპარაკებები რუსულ ავიაკომპანია „აეროფლოტთან".
"ტავ ჯორჯიას" ინფორმაციით, "აეროფლოტი" ქართულ ავიაბაზარზე 27 ოქტომბრიდან ბრუნდება და რეგულარული ფრენები მოსკოვი-თბილისი-მოსკოვის მიმართულებით თბილისის საერთაშორისო აეროპორტიდან ყოველდღიურად შესრულდება.
აღსანიშნავია, რომ რუსული „აეროფლოტი" 1923 წელს დაფუძნდა. ავიაკომპანიის სათაო ოფისი მოსკოვში მდებარეობს. „აეროფლოტი" რომლის განკარგულებაშიც 153 ავიალაინერია, რეგულარულ და ჩარტერულ რეისებს 52 ქვეყანაში, 121 მიმართულებით სრულებს.
