თბილისი-აბუ-დაბის მიმართულებით ფრენებს არაბეთის გაერთიანებული საემიროების ნაციონალური ავიახაზები Etihad Airways-ი იწყებს. პირველი რეისი 2015 წლის 2 ოქტომბერს შესრულდება. Etihad Airways-ი ფრენებს შეასრულებს ყოველ ოთხშაბათს, პარასკევსა და კვირას A320 ეარბასის ტიპის თვითმფრინავით, რომელსაც 16 ბიზნეს კლასისა და 120 ეკონომ კლასის ადგილი აქვს
აღსანიშნავია, რომ Etihad Airways-ის კავკასიის რეგიონის სხვა ქვეყნებშიც ოპერირებს. 2014 წლის 3 ივლისიდან ის დაფრინავს ერევანში, ხოლო 2015 წლის 1 ოქტომბრიდან ავიაკომპანია იფრენს ბაქოს მიმართულებითაც. ამიერიდან კავკასიის მარშრუტებს თბილისიც შეუერთდება.
„ჩვენი ავიაკომპანიის ინიციატივა, გააქტიურებულიყო კავკასიის რეგიონში, პირველ რიგში გამოწვეულია არაბთა გაერთიანებული საემიროებისა და შუა აღმოსავლეთის ქვეყნების ამ რეგიონის მიმართ კომერციული ინტერესების ზრდის ტემპით, ასევე ტურიზმის გააქტიურებით. Etihad Airways-ი მოხარულია, რომ ამიერიდან თბილისიც შეუერთდება ჩვენი ავიაკომპანიის გლობალურ ქსელს. ჩვენ დარწმუნებული ვართ, რომ ამით საქართველოსა დაარაბთა გაერთიანებული საემიროების ბიზნესურთიერთობები და კულტურული კავშირები კიდევ უფრო გაღრმავდება. ასევე ჩვენი მეშვეობით საქართველოს მოქალაქეები კიდევ უფრო კომფორტულად იფრენენ ჩრდილოეთ ამერიკის მიმართულებით", - აცხადებს Etihad Airways-ის პრეზიდენტი და აღმასრულებელი დირექტორი ჯეიმს ჰოგანი.
Etihad Airways -ის თბილისიდან მიმავალ მგზავრებ აბუ- დაბის გავლით შეეძლებათ იფრინონ სპარსეთის ყურის რეგიონის ქვეყნებში, ინდოეთში, აზიასა და ჩრდილოეთ ამერიკაში.
აღსანიშნავია, რომ საქართველოსა და არაბთა გაერთიანებული საემიროებს შორის სავაჭრო წლიური ბრუნვა 250 მილიონ ა.შ.შ. დოლარს უტოლდება. Etihad Airways -მა ფრენები 2003 წელს დაიწყო და მან 2013 წლის მონაცემებით 11.5 მილიონი მგზავრი გადაიყვანა აბუ დაბის გავლით შუა აზიის , აფრიკის, ევროპის, აზიის, ავსტრალიისა და ამერიკის 110 მიმართულებით . ამჟამად ავიაკომპანის მფლობელობაში 104 ეარბასისა და ბონიგის ტიპის თვითმფრინავი ყავს. იგი ასევე ფლობს 200-ზე მეტ კერძო ტიპის თვითმფრინავს, როგორიც არის 787s ტიპის 71 და 777Х ტიპის 25 ბოინგი, A350s ტიპის 62 და A380s 10 ეარბასი. . Etihad Airways ი ამჟამად ფლობს შემდეგი ავიაკომპანიების წილებს : Airberlin, Air Seychelles, Virgin Australia, Aer Lingus, Air Serbia და Jet Airways. ასევე ინვესტირების მოლაპარაკების პროცესშია Alitalia-სა და შვეიცარიაში დაფუძნებულ რეგიონალურ ავიაკომპანიასთან Etihad Regional*.
