პრემიერ-მინისტრი ქართველ ბიზნესმენს ქართული წარმოების განვითარებაში საკუთარი წვლილის შეტანისკენ მოუწოდებს. ამის შესახებ ირაკლი ღარიბაშვილმა ჟურნალისტებთან საუბრისას განაცხადა.
პრემიერი გარდაბანში სასათბურე მეურნეობის პროექტის პრეზენტაციას დაესწრო, რომელიც 40 მილიონიანი ფრანგულ-ქართული ინვესტიციით ხორციელდება.
მან მედიის წარმომადგენლებთან პროექტის მნიშვნელობა შეაფასა და აღნიშნა, რომ შენდება უდიდესი მასშტაბის სათბური, რომლის პროდუქციაც ერთ წელიწადში იმპორტირებული პროდუქციის 30 პროცენტს ჩაანაცვლებს.
"ეს არის ძალიან მნიშვნელოვანი პროექტი და გაგრძელება იმ ხაზის, რომელიც ჩვენს ქვეყანას გააჩნია-ექსპორტზე ორიენტირებული წარმოების წახალისება, ადგილობრივი წარმოების განვითარება",-აღნიშნა პრემიერმა.
მანვე მოუწოდა ადგილობრივ მწარმოებლებს, ჩაერთონ ქვეყნის აღმშენებლობის პროცესში.
" ის პირობები, რაც შექმნა სახელმწიფომ, არის უნიკალური. ჩვენ ბიზნესმენებს რეალურად 1ლარად ვაძლევთ სახელმწიფო ქონებას, იმისთვის, რომ მათ აიღონ ბანკიდან სესხი და ორი წლის გამმავლობაში ვუფინანსებთ 10 პროცენტის ოდენობით სესხს. მათ ყველა პირობა აქვთ, რომ აწარმოონ ქართული ბიზნესი. მათი ჩართულობა ქვეყნის აღმშენებლობაში არის გადამწყვეტი, რადგან სახელმწიფო მარტო ვერაფერს შეძლებს,"- განაცხადა ირაკლი ღარიბაშვილმა ჟურნალისტებთან საუბრისას.
მასალის გამოყენების პირობები
