რუსეთის ფედერაციის უშიშროების საბჭოს მდივანი ნიკოლაი პატრუშევი გარდა იმისა, რომ მოსკოვის მეტროში მომხდარ აფეთქებაში "ქართული კვალის" არსებობას არ გამორიცხავს, უფრო წინ მიდის და აცხადებს, რომ "არ არის გამორიცხული, რომ ამ ტერაქტთან კავშირი საქართველოს სახელმწიფო ლიდერს მიხეილ სააკაშვილს ჰქონდეს".
"ყველა ვერსია უნდა გადაისინჯოს. მაგალითად არის საქართველო და ამ სახელმწიფოს ლიდერი მიხეილ სააკაშვილი, რომლის მოქმედების პროგნოზირება შეუძლებელია", _ აცხადებს პატრუშევი.
მისივე თქმით: "სამწუხაროდ რიგი ქვეყნებისა აგრძელებს მისთვის დახმარების გაწევას, მათ შორის სამხედრო დახმარების გაწევასაც".
"ჩვენ ვაცხადებთ, რომ ეს დაუშვებელია. ერთხელ მან უკვე გააჩაღა ომი და არ არის გამორიცხული, რომ კიდევ არ გააჩაღებს", _ აცხადებს ნიკოლაი პატრუშევი.
