18 სექტემბერს, საქართველოს ფინანსთა მინისტრი ნოდარ ხადური თურქმენეთის ახლადდანიშნულ ელჩს საქართველოში დოვლეტმურატ მურატოვს შეხვდა.
შეხვედრაზე განიხილეს საქართველოსა და თურქმენეთს შორის სავაჭრო-ეკონომიკური ურთიერთობების აქტუალური საკითხები და თანამშრომლობის გაღრმავების პერსპექტივა.
ფინანსთა მინისტრმა ნოდარ ხადურმა იმედი გამოთქვა, რომ თბილისში თურქმენეთის საელჩოს გახსნა, ხელს შეუწყობს ორ ქვეყანას შორის პარტნიორობის განმტკიცებას, სხვადასხვა სფეროში ერთობლივი პროექტების განხორციელებას, რომელიც სასარგებლო იქნება ორივე სახელმწიფოსთვის.
