მილიარდერების რაოდენობა გაიზარდა. 2014 წლისთვის მსოფლიოს მილიარდერთა რიგებს დამატებით, 155 დოლარში მილიარდერი შეემატა. შესაბამისად, ამ დროისათვის მსოფლიოს 2325 მილიარდერი ყავს. აღნიშნულის შესახებ ინფორმაციას საკონსულტაციო კომპანია Wealth-X და შვეიცარული ბანკი UBS-ი ავრცელებს. მიმდინარე წლისთვის მილიარდერთა კომბინირებული სიმდიდრემ 7,3 ტრილიონი დოლარი შეადგინა, რაც იმას ნიშნავს, რომ მილიარდერთა საერთო ქონება 12 %-ითაა მომატებული.
მილიარდერთა რაოდენობის მხრივ ლიდერი ევროპაა, სადაც 755 მილიარდერი ცხოვრობს. რაც შეეხება ამერიკას იქ მილიარდელთა რიცხოვნება 609 ერთეულს, ხოლო აზიაში 560 ერთეულს აღწევს.
სტატისტიკური ინფორმაციის მიხედვით, მილიარდერთა 19 %-მა ქონება მემკვიდრეობით მიიღო, ხოლო მილიარდერთა 55 %-ი self-made კატეგორიას მიეკუთვნებიან, ანუ ფული მათ საკუთარი შრომით მოიპოვეს.
უნდა აღინიშნოს ისიც, რომ მილიარდერთა 35 %-ს არ აქვს უმაღლესი განათლება. მილიარდერთა საშუალო ასაკი კი 63 წელია.
კვლევების მიხედვით ირკვევა, რომ მილიარდერთა უმეტესობას საკუთარი პირველი მილიარდი 40 წელს ასაკამდე არ გამოუმუშავებია და კაპიტალის დაგროვება მხოლოდ 40 წლის ასაკის შემდეგ მოახერხეს. Wealth-X-სა და UBS-ის რეიტინგის თანახმად, პლანეტაზე მხოლოდ 4 ადამიანი ცხოვრობს, რონმელთა კაპიტალი 50 მლრდ დოლარს აჭარბებს.
შეგახსენებთ, რომ
Forbes-ის რეიტინგის თანახმად, დედამიწაზე ყველაზე მდიდარი ადამიანი მექსიკელი კარლოს სლიმია, რომელიც საერთო ჯამში 79,6 მლრდ დოლარს ფლობს.
