ბათუმს უკრაინის წამყვანი ტურ-ოპერატორები სტუმრობენ. 12 კაციან ჯგუფში საერთაშორისო ტურისტული ჰოლდინგის TEZ-tour-ის, ასევე უკრაინის ლიდერი ტურ-კომპანიების ასოციაცია ALTU-ს წარმომადგენლები შედიან.
როგორც აჭარის ტურიზმისა და კურორტების დეპრტამენტში განმარტავენ, საინფორმაციო ტურის ფარგლებში ტურ-ოპერატორები რეგიონის სასტუმრო პოტენციალს გაეცნენ და სხვადასხვა ღირსშესანიშნაობები მოინახულეს.
როგორც დეპარტამენტში აცხადებენ, უკრაინა რეგიონისათვის ერთ-ერთ მნშვნელოვან ტურისტულ ბაზარს წარმოადგენს. საინფორმაციო ტურების ორგანიზებასთან ერთად ტურიზმის დეპარტამენტი უკრაინაში აქტიურ სარეკლამო კამპანიას ეწევა. აღსაღნიშნავია, რომ 2014 წლის იანვარ-აგვისტოს პერიოდში გასული წლის ანალოგიურ პერიოდთან შედარებით აჭარის სასტუმროებში უკრაინელი ტურისტების +17,6%-იანი ზრდა დაფიქსირდა, ხოლო საზღვრის დეპარტამენტის სტატისტიკის (იანვარ-აგვისტო) მიხედვით აჭარაში გასულ წელთან შედარებით უკრაინა +101%-იანი ზრდით ლიდერობს.