რამდენიმე დღეში „ვისოლის" ქსელში საწვავის გაიაფება დაიწყება. "ვისოლ პეტროლიუმ ჯორჯიას" გენერალური დირექტორის ვასილ ხორავას განმარტებით, მომავალი კვირიდან კომპანია საცალო ქსელში ფასების კორექტირებას გეგმავს და „ვისოლის" ავტოგასამართ სადგურებზე კლება 3-5 თეთრის ფარგლებში იქნება. ხორავას განმარტებითვე, გაიაფება შეეხება ყველა პროდუქტს, რომლის რეალიზებასაც ამ დროისათვის „ვისოლი" ახდენს.
დღეისათვის „ვისოლის" ქსელში „ეკო სუპერის" ღირებულება 2,32 ლარია, „ეკო პრემიუმის ფასი კი - 2,27 ლარი, რაც შეეხება „ეკო დიზელის" ფასს მისი ღირებულება - 2,27 ლარი, „ევრო რეგულარის" ფასი კი - 2,17 ლარი. „ვისოლის ქსელში" „რეგულარ ენერჯის" ღირებულება 2,12 ლარია, ხოლო „დიზელი ენერჯი" 2,13 ლარი ღირს.
