მთავრობას აზიის განვითარების ბანკიდან მორიგი სესხის აღება სურს. როგორც მთავრობის №1438 განკარგულებიდან ირკვევა, უახლოეს ხანებში ხელისუფლება აზიის განვითარების ბანკს „ურბანული სექტორის გაუმჯობესების საინვესტიციო პროგრამა - პროექტი 4-ის" დაფინანსების თაობაზე მიმართავს.
„მიღებულ იქნეს ცნობად საქართველოს ფინანსთა სამინისტროს ინფორმაცია, აზიის განვითარების ბანკის მიერ „ურბანული სექტორის გაუმჯობესების საინვესტიციო პროგრამა - პროექტი 4-ის" დაფინანსების თაობაზე.
საქართველოს ფინანსთა სამინისტრომ მიმართოს აზიის განვითარების ბანკს „ურბანული სექტორის გაუმჯობესების საინვესტიციო პროგრამა - პროექტი 4-ის" დაფინანსების მიზნით, სესხის 108 მლნ აშშ დოლარის ოდენობით გამოყოფის თაობაზე, შემდეგი ფინანსური პირობებებით", - აღნიშნულია მთავრობის განკარგულებაში.
როგორც ირკვევა სესხის ხანგრძლივობა 30 წელი იქნება, საიდანაც 7 წელი საშეღავათო პერიოდი უნდა იყოს. სესხის საპროცენტო განაკვეთის ტიპი კი Libor-ზე დაფუძნებული ცვლადი განაკვეთი (Libor+Fixed Spread), ხოლო სესხის ვალდებულების გადასახადი (Commitment fee) - 0.15%-ი.
