დეკემბერში ჩატარებული დაგვიანებული ვაქცინაციის შემდეგ, სურსათის უვნებლობის, ვეტერინარიისა და მცენარეთა დაცვის ეროვულ სამსახურში ჯერ კიდევ არ იციან, როდის ჩატარდება საგაზაფხულო ვაქცინაცია. სამსახურის უფროსის მოადგილემ ზურაბ ბეჟანიშვილმა "ჯი-ეიჩ-ენთან" საუბარში ვერ დააკონკრეტა თუ როდისთვის გეგმავს სამსახური გეგმიურ საგაზაფხულ ვაქცინაციას. სპეციალისტების განმარტებით, ქვეყანაში ვაქცინაცია ტრადიციულად შემოდგომასა და გაზაფხულზე ტარდება. ბეჟანიშვილი "ჯი-ეიჩ-ენთან" საუბარში აღნიშნავს, რომ იგი სპეციალისტი არ არის, თუმცა "ზუსტად იცის", რომ ყველაფერი ნორმის ფარგლებში ტარდება. რაც შეეხება სპეციალისტს, "ჯი-ეიჩ-ენი" შეეცადა სამსახურის სპეციალისტისგან მოესმინა დაგვიანებული და არჩატარებული აცრების მოსალოდნელი შედეგების შესახებ, მაგრამ სამსახურის ყველა სპეციალისტმა კომენტარისაგან თავი შეიკავა. ისინი პრივატულ საუბრებში აცხადებენ, რომ "ის ვინც სპეციალისტია კომენტარს არ გააკეთებს, იმაზე, რომ დეკემბერში ჩატარებული აცრები დასაშვებია, ან საერთოდ ვაქცინაციის არ ჩატარება ნორმალური მოვლენაა". მათივე ინფორმაციით, უკანასკნელ პერიოდში ადგილი აქვს ვეტერინარიის დეპარტამენტის საერთოდ გაქუმების მცდელობას და აცრებთან დაკავშირებული პრობლემებიც ამის შედეგია.
სპეციალისტების განმარტებით, ცხოველთა საშიში დაავადებების გამოვლინებისა და მათი აღმძვრელების ქვეყნის ტერიტორიაზე გავრცელება, შესაძლოა, საფუძველი გახდეს ცხოველთა დაცვის მსოფლიო ორგანიზაციის (OIE) მხრიდან შესაბამისი შეზღუდვების დასაწესებლად. აღნიშნული გამოიწვევს საქართველოს, როგორც ტრაზიტული ქვეყნის როლის შემცირებას და ქვეყანას მნიშვნელოვანი ეკონომიკური ზარალი მიადგება. ასეთია ვეტერინარების ვარაუდი იმ არასწორ და არამართებულ პოლიტიკასთან დაკავშირებით, რომელსაც აღნიშნული მიმართულებით სურსათის უვნებლობის, ვეტერინარიისა და მცენარეთა დაცვის სამსახური ახორციელებს.
სააგენტო "ჯი-ეიჩ-ენს" რამდენიმე დღის წინ გამოაქვეყნა მასალა, ქვეყანაში თურქულის შესაძლო გავცელების საფრთხესთან დაკავშირებით, რომლის ერთ-ერთი მიზეზი, შესაძლოა, დაგვიანებით ჩატარებული ვაქცინაცია გახდეს.
იმ ვითარების გათვალისწინებით, როდესაც ქვეყნის მეცხოველეობის დარგის ცალკეული მიმართულებებით სხვადასხვა ქვეყნების მხრიდან დაინტერესება იზრდება, გაუგებარი ხდება, როგორ შეიძლება შესაბამის სამსახურს განსაზღვრული არ ჰქონდეს ვაქცინაციის ჩატარების საორიენტაციო თარიღი.
თუმცა, უნდა გავითვალისწინოთ ის გარემოება, რომ სურსათის უვნებლობის, ვეტერინარიისა და მცენარეთა დაცვს ეროვნული სამსახურისთვის მოსახლეობის გაუგებრობაში ყოლა ჩვეულებრივ სტანდარტს წარმოადგენს.
26 მარტს, სურსათის უვნებლობის, ვეტერინარიისა და მცენარეთა დაცვს ეროვნული სამსახურის უფროსმა მაია მეტრეველმა საგანგებო განცხადება გააკეთა. ეროვნულმა სამსახურმა 6 სხვადასვა რძის ადგილობრივი მწარმოებელი კომპანიის პროდუქტი შეამოწმა. აქედან, მხოლოდ 2 აკმაყოფილებს ეტიკეტირებისა და მომხმარებელთა უფლებების დაცვის შესახებ კანონის მოთხოვნებს.
ტელეკომპანია, რუსთავი 2"-ის პირდაპირ ეთერში სამსახურის უფროსმა მაია მეტრეველმა არაერთგზის აარიდა თავი იმ კომპანიების დასახელებას, რომლებიც ვერ აკმაყოფილებენ სათანადო მოთხოვნებს და არც იმ კონკრეტულ სანქციებზე გაამახვილა ყურადღება, რომელიც მომხმარებელთა უფლებების დაცვის შესახებ კანონის მოთხოვნებს დამრღვევთა მიმართ გატარდება.
სურსათის უვნებლობის, ვეტერინარიისა და მცენარეთა დაცვის სამსახურის დებულების მე-3 მუხლი პირდაპირ ავალდებულებს სამსახურს მოსახლეობის უზრუნველყოფას დროული, მოუკერძოებელი და ობიექტური ინფორმაციით "საფრთხეებისა და შესაძლო რისკების თაობაზე".
მაია მეტრეველის საგანგებო განცხადება უყურადღებოდ არ დარჩენიათ რძის პროდუქტების მწარმოებელ კომპანიებს, რომლებმაც სურსათის უვნებლობის, ვეტერინარიისა და მცენარეთა დაცვს ეროვნული სამსახური ეროვნული პროდუქციის დიკრედიტაციაში დაადანაშაულეს.
"ნიკორას" გენერალური დირექტორის ირაკლი ლომაიას თქმით, 26 მარტს სამსახურის მიერ გამოქვეყნებული კვლევის შედეგები რძის პროდუქტების ბაზარზე არსებულ ვითარებას არ შეესაბამება.
"სამსახურის წარმომადგენლებმა მწარმოებლებს განგვიმარტეს, რომ კვლევის შედეგები მედიის მხრიდან არასწორად გაშუქდა. თუმცა, სამსახურს დამახინჯებული ფაქტების შესახებ განმარტებები არ გაუკეთებია", - აღნიშნა ლომაიამ.
მედიის დადანაშულება იმ ვითარებაში, როდესაც სამსახურმა "საგანგებო ბრიფინგზე" ჟურნალისტები შერჩევით მიიპატიჟა, ხოლო სამსახურის უფროსმა პირდაპირ ტელეეთერში თავი აარიდა ყველა კონკრეტული პასუხის გაცემას არაეთიკურის გარდა უპასუხისმგებლო ქმედებაცაა.
უნდა აღინიშნოს, რომ ქვეყანაში ცხოველთა დაავადების კერების ლიკვიდაცია, პროფილაქტიკური ღონისძიებების სრულყოფილად განხორციელება აღიარებულია ეროვნული უშიშროების უზრუნველყოფის სახელმწოფო სისტემის ნაწილად, ხოლო ეპიზოოტიური კეთილსაიმედეოობის მისაღწევად ცხოველების განსაკუთრებით საშიშ ინფექციურ დაავადებებთან ბრძოლის ღონისძიებათა ოპერატიული შესრულება პრიორიტეტულ სახელმწიფო მნიშვნელობის ამოცანად.
ვეტერინარიისადმი სურსათის უვნებლობის, ვეტერინარიისა და მცენარეთა დაცვის სამსახურის დამოკიდებულება აბსოლუტურად ეწინააღმდეგება ზემოთმოყვანილ სახელმწიფოს მიერ აღიარებულ პრიორიტეს.
ცხოველთა დაცვის მსოფლიო ორგანიზაციის (OIE) ექსპერტები საქართველოს ვეტერინალური სამსახურის შეფასებისას არსებულ ნაკლოვანებებზე ამახვილებენ ყურადღებას და იძლევნიან, რეკომენდაციას, რომ _ გადახედილ იქნას არსებული ორგანიზაციული სტრუქტურა, რომელიც არის გაურკვეველი და არაადექვატური ვეტერინალური ღონისძიებების განხორციელებისთვის.
OIF-ის ექსპერტები განმარტავენ, რომ ვერეტინალურ სამსახურში განხორციელებულმა ძირეულმა ცვლილებებმა გამოიწვია ოფიციალური კონტროლის არ არსებობა, "არაეფექტური ინსტანციური ჯაჭვი და არასაკმარისი თანამშრომელთა რიცხვი ადგილობრივ დონეზე".
ამ ფონზე "ჯი-ეიჩ-ენის" ინფორმაციით, სურსათის უვნებლობის, ვეტერინარიისა და მცენარეთა დაცვს ეროვნული სამსახურის ხელმძღვანელობა ცდილობს კიდევ უფრო დაასუსტოს ვეტერინარიის როლი, მისი, როგორც სტრუქტურული ერთეულის უფლება- მოვალეობების ნიველირებით.
ქვეყნის წამყვანი ვეტერინარების განმარტებით, ამ სფეროში სხვადასხვა ქვეყნების გამოცდილების ბრმად გადმოღებისას გათვალისწინებული არ არის ქვეყნის ბუნებრივ-კლიმატური პირობები, სოციალურ-ეკონომიკური მდგიმარეობა, ტრადიციები და ა.შ. მით უფრო, რომ საქართველო თავისი გეოგრაფიული მდებარეობით მაღალი რისკის ზონას წარმოადგენს, როგორც ცხოველების ენდემური, ასევე ეგზოტიკური დაავადებების შემოჭრის საფრთხის თვალსაზრისით.
თემით დაინტერესებისას, "ჯი-ეიჩ-ენმა" აღნიშნულ სფეროში საკმაოდ ბევრ საინტერესო მასალას და საეჭვო სქემას მიაკვლია. ამჟამად მიმდინარეობს მათი კვალიფიციური შესწავლა და იმართება კონსულტაციები დარგის სპეციალისტებთან.
