რუმინეთის საგარეო საქმეთა მინისტრის ტეოდორ ბაკონსკის შეფასებით, საქართველოში რეფორმები წარმატებულად ხორციელდება. ამის შესახებ რუმინეთის საგარეო უწყების ხელმძღვანელმა საქართველოს საგარეო საქმეთა მინისტრ გრიგოლ ვაშაძესთან შეხვედრის დასრულების შემდეგ ერთობლივ პრესკონფერენციაზე განაცხადა. "თბილისში თავს ისე ვგრძნობ, როგორც საკუთარ სახლში, რადგან საქართველო ევროპის ნაწილია. თქვენმა ქვეყანამ შიდა რეფორმებში დიდ წამატებას მიარწია, რაც ევროსტრუქტურებში ინტეგრაციაზე დადებითად აისახება. ამასთან, რუმინეთი საქართველოს ერთ-ერთი ყველაზე კარგი მეგობარია და ყოველთვის მხარს უჭერს თქვენს ევროკავშირში და ნატოში ინტეგრაციას", - განაცხადა ტეოდორ ბაკონსკიმ. მისივე შეფასებით, საქართველოს ხელისუფლება კარგ, დაბალანსებულ საგარეო პოლიტიკას ახორციელებს, რაც განსაკუთრებით მნიშვნელოვანია.