საქართველოს ეროვნული უშიშროების საბჭოს მდივანმა თურქეთის ელჩს ეროვნული დღესასწაული - გამარჯვების დღე მიულოცა.
„საქართველოს ეროვნული უშიშროების საბჭოს აპარატის სახელით, გულწრფელად გილოცავთ ეროვნულ დღესასწაულს -გამარჯვების დღეს. ბედნიერებას გისურვებთ თქვენ და თურქ ხალხს და წინსვლასა და კეთილდღეობას თქვენს ქვეყანას.
უკანასკნელი წლების განმავლობაში საქართველო-თურქეთის თანამშრომლობა ორმხრივ სასარგებლო იყო და კიდევ უფრო დააახლოვა ჩვენი ხალხები. დარწმუნებული ვარ, ჩვენი ქვეყნების და მთლიანად ევროპის წინაშე არსებული პოლიტიკური და ეკონომიკური გამოწვევები კიდევ უფრო გააღრმავებს ჩვენს თანამშრომლობას.
იმედი მაქვს, რომ ჩვენი ერთობლივი პროექტები, რომლებიც უსაფრთხოებას, თავდაცვას, ენერგეტიკას და სხვა სფეროებს უკავშირდება გაგრძელდება და საქართველო-თურქეთის ორმხრივი თანამშრომლობა წარმოქმნის ახალ ინიციატივებს, რომლებიც მნიშვნელოვანი იქნება ჩვენი ქვეყნებისა და მთლიანად რეგიონისთვის" - ნათქვამია წერილში