ევროკავშირის წევრი სახელმწიფოებისა და მთავრობათა მეთაურები ევროკავშირის სამიტზე, რომელიც 30 აგვისტოს გაიმართება, განიხილავენ უკრაინის აღმოსავლეთში არსებულ ვითარებას და იმსჯელებენ რუსეთისათვის დამატებითი შეზღუდვების შემოღებაზე, - ამის შესახებ გერმანიის განცლერამა ანგელა მერკელმა განაცხადა.
„ჩვენ ვიღებთ შეტყობებინებებს რუსეთის სამხედროების გაძლიერებულ წარმომადგენლობაზე, ახალ არეულობებზე და სეპარატისტების წინსვლაზე იმ რეგიონებში, სადაც ამ დრომდე იყო მშვიდი ვითარება", - განაცხადა მერკელმა ბერლინში, ბალკანეთის ქვეყნების ლიდერებთან გამართული მოლაპარაკებების დასრულების შემდეგ.
„მიმდინარე წლის მარტში ნათლად განვაცხადეთ, რომ თუ იქნება შემდგომი ესკალაცია, ჩვენ მოგვიწევს განვიხილოთ შემდგომი სანქციები (რუსეთის წინააღმდეგ. რედ). შესაბამისად, ეს გახდება სამიტის თემა, და ჩვენ მოგვიწევს გადავწვიტოთ, როგორ რეაგირებას მოვახდენთ", - განაცხადა მერკელმა.