27-29 აგვისტოს ბათუმს უკრაინიდან კიდევ ერთი დელეგაცია სტუმრობს. დელეგაცია შედგება საერთაშორისო საქველმოქმედო ფონდ „Heifer Ukraine"-ისა და დნეპროპეტროვსკის საოლქო საბჭოს წარმომადგენლებისაგან. სამდღიანი ვიზიტის ფარგლებში დაგეგმილია სხვადასხვა ღონისძიება. 27 აგვისტო დელეგაციის წევრებს აჭარის ტურიზმისა და კურორტების დეპარტამეტი უმასპინძლებს. უკრაინელი სტუმრები განსაკუთრებით დაინტერესებულნი არიან რეგიონის სოფლად ტურიზმისა და ღვინის ტურიზმის პოტენციალით, შესაბამისად, საინფორმაციო ტურის ფარგლებში იგეგმება მაღალმთიან აჭარაში სოფლად არსებული სასტუმრო სახლებისა და საოჯახო მეურნეობების მონახულება, აჭარული ღვინის დაგემოვნება. 29 აგვისტოს სამუშაო შეხვედრა გაიმართება აჭარის სოფლის მეურნეობის სამინისტროში, სადაც დაისახება კონკრეტული მიზნები სამომავლო ურთიერთთანამშრომლობის შესახებ.