სასტუმრო „რადისონ ბლუ ბათუმი" უკვე მეორედ იმარჯვებს საქართველოს სასტუმროებს შორის „World Travel Awards 2014"-ის ევროპის ცერემონიალზე, რომელიც 2 აგვისტოს ქალაქ ათენში გაიმართა. აღიშნული ჯილდოს მისაღებად 160 ქვეყნიდან ტურიზმის სფეროში მოღვაწე ტუროპერატორები, ასოციაციები, კერძო თუ სახელმწიფო უწყებები სხვადასხვა კატეგორიის მიხედვით აფასებენ სასტუმროებს. წელს კი „რადისონ ბლუ ბათუმმა" რეკორდული რაოდენობა - 120 ხმა დააგროვა.
როგორც აჭარის ტურიზმის დეპარტამენტში განმარტავენ, მსგავსი დაჯილდოება მნიშვნელოვანია რეგიონის პოპულარიზაციისათვის, როგორც ქვეყნის საზღვრებს გარეთ, ისე ქვეყნის შიგნით.
აღსანიშნავია, რომ სასტუმრო 2011 წელს იტალიელმა არქიტექტორმა მიკელე დე ლუკიმ ააგო. იგი ბათუმში შემინული თანამედროვე დიზაინით გამორჩეული შენობაა.
