უკრაინული ავიაკომპანია YANAIR-ი კიევი-თბილისი-კიევის მიმართულებით რეგულარულ რეისებს შეასრულებას იწყებს. ფრენები კიევის მიმართულებით თბილისიდან კვირაში სამჯერ - სამშაბათს, ხუთშაბათს და კვირას Boeing 737 -ის ტიპის ბორტით შესრულდება.
„მოხარულები ვართ, უკრაინული ავიაკომპანია - YANAIR-ი იწყებს რეგულარული რეისების შესრულებას თბილისის მიმართულებით. ამიერიდან, თბილისის საერთაშორისო აეროპორტის მგზავრებს საშუალება მიეცემათ იფრინონ კიევის ორივე - ბორისპოლის და ჟულიანის აეროპორტებში.
თითოეული ახალი ავიაკომპანიის შემოსვლა ქართულ ავიაბაზარზე, კიდევ ერთი ნათელი მაგალითია იმისა, თუ როგორ ვითარდება საქართველოში ტურისტული და საავიაციო სექტორი. - განაცხადა „ტავ ჯორჯიას" გენერალურმა მენეჯერმა მეთე ერქალმა.
აქვე უნდა აღინიშნოს, რომ უკრაინული ავიაკომპანია YANAIR-ი, რეგულარულ რეისებს კვირაში ორჯერ, კიევი-ბათუმი-კიევის მიმართულებით ასრულებს.
