2014 წლის ივლისში 2014 წლის ივნისთან შედარებით სამრეწველო პროდუქციის მწარმოებელთა ფასების ინდექსი 0,04 %-ით შემცირდა. გასული წლის შესაბამის თვესთან შედარებით ინდექსი გაზრდილია 4,3%-ით, ხოლო 2005 წლის საშუალოსთან შედარებით 65,3 %-იანი ზრდა დაფიქსირდა.
2014 წლის ივლისში 2014 წლის ივნისთან შედარებით ინდექსის ფორმირებაზე ძირითადი გავლენა იქონია ფასების ცვლილებამ შემდეგ სექციაზე:
დამამუშავებელი მრეწველობა: ფასები შემცირდა 0,03%-ით და სექციის წვლილმა ინდექსის პროცენტული ცვლილების საერთო მაჩვენებელში - 0,03% შეადგინა. აღნიშნული ცვლილება განპირობებული იყო ფასების შემცირებით შემდეგ ქვესექციებზე: მეტალურგიული მრეწველობა და ლითონის მზა ნაწარმის წარმოება (1,3%), ქიმიური წარმოება (2,5%) და ხე-ტყის დამუშავება და ხის ნაწარმის წარმოება (8,7%). ამასთან ერთად, ფასები 2,1%-ით გაიზარდა საკვები პროდუქტებისა (სასმელების ჩათვლით) და თამბაქოს წარმოებაზე.

12-თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ სექციებზე: დამამუშავებელი მრეწველობა: ფასები გაიზარდა 5,4%-ით. სექციის წვლილმა ინდექსის პროცენტული ცვლილების საერთო მაჩვენებელში 4,40% შეადგინა. სექციაში ფასები გაიზარდა საკვები პროდუქტებისა (სასმელების ჩათვლით) და თამბაქოს წარმოებაზე (10,3%) და მეტალურგიულ მრეწველობასა და ლითონის მზა ნაწარმის წარმოებაზე (4,6%). გარდა ამისა, ფასები შემცირდა ცელულოზა-ქაღალდის მრეწველობასა და საგამომცემლო საქმიანობაზე (11,7%);
ელექტროენერგიის, აირისა და წყლის წარმოება და განაწილება: ფასები შემცირდა 1,8%-ით, რაც წლიურ ინდექსში -0,27% შეადგინა.