მალე იაპონია 5G-ზე გადავა. იაპონიის ადმინისტრაციულ საქმეთა და კომუნიკაციების სამინისტრო მზადაა 2020 წლამდე შეიმუშაოს და პრაქტიკაშიც დანერგოს ახალი თაობის 5G სერვისი.
იაპონიის მთავრობას იმედი აქვს, რომ საკუთარი გეგმების განხორციელებას 2020 წლის ზაფხულის ოლიმპიადამდე მოასწრებს, რომელსაც ტოკიო უმასპინძლებს.
გავრცელებული ინფორმაციით, პროექტისათვის საჭირო დაფინანსება უკვე 2015 წლის ბიუჯეტში იქნება გათვალისწინებული. თუმცა მანამდე, ანუ მიმდინარე წლის ბოლომდე იაპონიაში სპეციალური საბჭო შეიქმნება, რომელიც შესაბამისი სამთავრობო უწყებების წარმომადგენლების გარდა კერძო სექტორის წარმომადგენლებითაც დაკომპლექტდება.
